आज पनि सर्वसाधारणले सास्ती ब्यहोनु परेको छ

माग पूरा गराउन यातायात व्यवसायी हडताल कत्तिको जायज हो ?  nayakhaber.com

जेठ १४ पछि केही समय शान्त भएका सडक र गल्लीहरु फेरि आन्दोलनको थलो बनेका छन् । अर्थात केही समय विश्राम पाएको बन्दको सिलसिला फेरि शुरु भएको छ । आन्दोलनरत यातायात व्यवसायी र सरकारबीच सुक्रबार  भएको वार्ता विना निश्कर्ष टुङ्गिएपछि आज  पनि सार्वजनिक यातायातका साधन चलेका छैनन  ।  सरकारी प्रतिनिधि र ब्यवसायीबीच सिंहदरवारमा भएको वार्तामा सहमति बन्न नसकेपछि आज पनि सर्वसाधारणले सास्ती ब्यहोनु परेको छ  । दुबै पक्षले आ—आफ्नो अडान राखेपछि सरकारी पक्षले गृहकार्य गरेपछि मात्र पुन वार्तामा बस्ने भनेपछि वार्ता बिना निश्कर्ष टुङ्गिएको हो ।

ब्यवसायीहरुले आफ्ना माग पूरागर्न सरकार गम्भीर नभएको भन्दै सुक्रबारबाट मुलुकभर अनिश्चितकालकालागि सार्वजनिक यातायातका साधन बन्द गरेर आन्दोलनमा उत्रिएका छन् । सार्वजनिक यातायातका साधन संचालन नभएपछि आज देशभरको जनजीवन प्रभावित भयो ।

राजधानी लगायत देशका मुख्य शहरहरुमा उल्लेख्य रुपमा नीजि सवारी साधन चले पनि सार्वजनिक यातायातका साधनमा यात्रा गर्नेहरु हिडेरै काममा जान बाध्य भएका छन् । विगतमा अरुले बन्द गर्दा विरोध गर्ने यातायात ब्यवसायीहरु आफै बन्दमा उत्रिएपछि जनताले सास्ती ब्यहोर्नु परेको हो ।

ट्राफिक प्रहरीलाई प्रत्यायोजन गरेका थप अधिकार तथा ट्राफिक जरिवानामा सरकारबाट दिएको कमिसन रकमसम्बन्धी निर्णय खारेज गर्नुपर्ने लगायतका माग राखेर यातायात ब्यवसायीहरु आन्दोलनमा उत्रिएका हुन् । ब्यवसायीहरुले सामाजिक सुरक्षा ब्यवस्था र बिमा नीति लागु तथा यातायात मन्त्रालय गठन गनुपर्ने लगायतका माग पनि राखेका छन् ।।एक रिपोर्ट -Video:Imagechannels: