चरिकोटमा आजबाट सप्ताह सुरु

बैशाख ६÷उषा तामाङ
दोलखा सदरमुकाम चरिकोटमा आजबाट श्रीमद भागवत ज्ञान सप्ताह महायज्ञ सुरु भएको छ । सप्ताहको दोलखाका सहायक प्रमुख जिल्ला अधिकारी औलाख बहादुर आलेले उद्घाटन गर्नुभयो । रेडियो कान्तिपुरका धार्मीक कार्यक्रम सञ्चालक एवम् प्राध्यापक जर्नादन घिमीरेले दोलखामा अवस्थित मठ मन्दिर र तामाकोशी, चर्णावति नदिका बारेमा जानकारी गराउनुभयो । सप्ताह बिनाशकारी भुकम्पका कारण मृत्युवरण गर्न पुगेकाको आत्माको चिरशान्ति एवम् वैकुण्ठमा बास होस भन्ने कामना सहित, संकलित दान दक्षिणाबाट कोटि होममा क्रिया पुत्री भवन निर्माण गर्ने उद्धेश्यका साथ सुरु भएको सप्ताह १२ गते सम्म चल्ने छ । सप्ताहमा सम्राट पण्डित भीमकान्त पन्थि र पण्डित जयराम अधिकारीको मुखारबृन्दबाट कथा वाचन भइरहेको छ ।
सप्ताह सुरु हुनु अघि ब्रह्मा कुमारी राजयोग दोलखा र दोलखाबासीको सहयोगमा बाजा गाजा सहित एक सय आठ कलश यात्रा गरी बजार परिक्रमा गरिएको थियो ।
विश्व हिन्दु महासंघ दोलखा र शक्ति सेवा समाज स्वयम्भु काठमाडौको संयुक्त आयोजनामा सुरु भएको सप्ताह उद्घाटन समारोहमा दोलखाका सहायक प्रमुख जिल्ला अधिकारी औलाख बहादुर आले, समाजसेवी ऋषि प्रसाद न्यौपाने, विश्व हिन्दु महासंघ दोलखाका अध्यक्ष एव्म महायज्ञका संयोजक शिव केसी लगाएतले मन्तव्य व्यक्त गर्नुभयो ।
 खवर kaakinchowkfm को पेजवाट साभार गरिएको हो 
-