पत्नीको गुप्ताङ्गमा ताला

सफल दाम्पत्यका लागि आपसी समझदारी एवं विश्वास अपरिहार्य हुन्छ। यद्यपि पति-पत्नीबीच शंका-उपशंका भयो भने के हुन्छ ? हालैको  एउटा घटनाले यसको पराकाष्ठा उजागर गरेको छ। आफ्नै पत्नीको चरित्रमाथि शंका गर्ने एक लोग्नले पत्नीको गुप्ताङ्गमा ताला लगाइदिए।  घटना भारतको मध्यप्रदेश राज्यको प्रमुख सहर इंदौरको हो। यस्तो नारकीय जीवन भोग्न नसकेपछि पीडित पत्नीले विष सेवन गरेपछि  त्यसको खुलासा भएको हो। विष सेवनपछि वेहोस अवस्थामा अस्पताल पुर्‍याइएकी उक्त महिलालाई जब डाक्टरले परीक्षण गर्न थाले, तव  गुप्ताङ्गमा ताला लगाइएको पाइयो। त्यसपछि उनीहरूले तुरुन्तै प्रहरीलाई खबर गरे। प्रहरीले आरोपित पतिलाई हिरासतमा लिएको छ। 

उक्त महिलाले विष सेवन गरेपछि उनका छोरा-छोरीले रोइकराइ गर्न थालेपछि छिमेकीले उनलाई स्थानीय अस्पताल पुर्‍याएका थिए। छिमे कीहरूका अनुसार तिनका पति शंकालु प्रवृत्तिका छन्। उनले करिब चार वर्षदेखि पत्नीको गुप्ताङ छेडेर ताला लगाइदिएका थिए। बिहान  काममा जाँदा उनी पत्नीको गुप्ताङ्गमा ताला लगाइदिन्थे र साँझ घर फर्किएपछि ताला खोलिदिन्थे। अस्वीकार गर्दा पतिले पिट्ने गरेको  पीडित महिलाले बताएकी छिन्।  kantipur weekly