शेरबहादुर भुजेलचालु आर्थिक वर्ष दोलखामा विकास आयोजना सञ्चालनका लागि केन्द्रिय स्तरबाट ९० करोड ७३ लाख ७९ हजार रुपैयाँ विनियोजन भएको छ ।
राष्ट्रिय योजनाले प्रकाशन गरेको जिल्लाहरमा सञ्चालन हुने विकास कार्यक्रम र विनियोजित रकमको विवरण अनुसार जिल्लाको सामाजिक तथा पुर्वाधार विकासको लागि रकम विनियोजन भएको हो ।
चालु आर्थिक वर्ष २०७०/७१ मा सञ्चालन हुने विकास आयोजना मध्य सडक आयोजनाका लागि पाँच करोड
९० लाख रुपैयाँ विनियोजना भएको छ ।
त्यसैगरी चालु आर्थिक वर्षका लागि जिविस अनुदान तर्फ तीन करोड ७१ लाख रुपैयाँ विनियोजन भएको छ भने गाउँ विकास समितिहरुको अनुदान तर्फ आठ करोड ३३ लाख ५० हजार रुपैयाँ विनियोजन भएको छ ।
जिल्लाको एक मात्र नगरपालिका भीमेश्वर नगरपालिकाले भने ४३ लाख ३० हजार बजेट पाएको छ । ग्रामीण पुननिर्माण तथा पुनस्र्थापना कार्यक्रमका लागि सात करोड २२ लाख ३४ हजार रुपैयाँ प्राप्त भएको छ ।
दोलखाका लागि कृषि तथा खाद्य सुरक्षा आयोजना सञ्चालनका लागि आठ करोड, ४९ लाख, ३३ हजार रुपैयाँ प्राप्त भएको छ । त्यसैगरी संस्कृति पर्यटन तथा नागरिक उड्यनका आयोजना अन्र्तगत पुरातात्विक संरक्षण र संस्कृति प्रर्वद्धन कार्यक्रम समेत गरी ४६ लाख ५० हजार बजेट आएको छ ।
जिल्लामा वन तथा भु–संरक्षण आयोजना सञ्चालनका लागि दुई करोड २३ लाख, विज्ञान प्रविधि तथा वातावरण सँग सम्वन्धित आयोजना सञ्चालनका लागि दुई करोड ९२ लाख रुपैयाँ बजेट प्राप्त भएको छ ।
लैङ्गिक समानता तथा समावेसीकरणका लागि एक करोड ६१ लाख ६६ हजार रुपैयाँ प्राप्त भएको छ भने भवन आवास तथा शहरी विकासका लागि एक करोड ९० लाख रुपैयाँ प्राप्त भएको छ ।
त्यसैगरी खानेपानी तथा सरसफाई आयोजना सञ्चालनका लागि चार करोड ८१ लाख आएको छ भने अनौपचारिक शिक्षा तथा राष्ट्रिय साक्षरता अभियान सञ्चालनका र विद्यालय क्षेत्र सुधार कार्यक्रमका लागि १९ करोड ५८ लाख रुपैयाँ प्राप्त भएको छ ।
शिक्षा क्षेत्रका लागि विनियोजन गरिएको रकम सबैभन्दा बढी हो भने विभिन्न प्रकारका सिचांई आयोजना सञ्चालनका लागि दुई करोड आठ लाख रुपैयाँ विनियोजन भएको छ ।kalinchowk fm 106.4Mhz
No comments:
Post a Comment